ရေနံနှင့်သဘာဝဓာတ်ငွေ့ လုပ်ငန်းသည် ၁၉၈၈ ခုနှစ် အာဏာသိမ်းခဲ့စဉ်ကထဲက စစ်ကောင်စီကို အသက်ဆက်ပေးခဲ့ခြင်း ကတော့ ငြင်းလို့ရမှာမဟုတ်ပါဘူး။ အောက်ဖော်ပြပါဇယား (၁) တွင် မြန်မာနိုင်ငံ EITI မှ ရရှိသော စာရင်းဇယားများအရ ၂၀၁၄ -၂၀၁၅ တွင် ဝင်ငွေများမြင့်ခဲ့ပြီး ကျန်နှစ်များတွင် ဝင်ငွေများဆက်တိုက်ဆိုသလို ကျဆင်းလာနေပြီကို တွေ့မြင်ရပါတယ်။ ဇယား(၂) အရ ၂၀၂၁ ခုနှစ်တွင်ထင်မှတ်မထားလောက်အောင် ဂတ်စ်ဈေးများမြင့်တက်လာနေကိုလည်း မြင်တွေ့ရမှာ ဖြစ်ပါတယ်။ ယခု စကစမှ အာဏာသိမ်းထားချိန်တွင်လည်း ဂတ်စ်ဈေးများ ယခင်နှစ်များထက် ပိုမိုမြင့်တက် နေတာကြောင့် ၂၀၁၄-၂၀၁၅ ခုနှစ် ဝင်ငွေနှင့်ယှဉ်တွဲကြည့်ပါက၂၀၂၁တွင် (၄) ဆခန့်ပိုမိုများပြားလာနိုင်ပြီး ၂၀၁၇-၂၀၁၈ ဝင်ငွေနှင့် နှိုင်းယှဉ်ပါက (၈) ဆခန့် ပိုမိုရရှိနိုင်ကြောင်းတွေ့ရှိနိုင်ပါတယ်။ ရေနံနှင့် သဘာဝဓာတ်ငွေ့လုပ်ငန်းမှ ဝင်ငွေများသည် စကစအား သက်ဆိုးရှည်စေနိုင်သလို တနည်းအားဖြင့် ပြည်သူများကိုလည်း တရားလက်လွတ်သတ်ဖြတ်နိုင်ရန် အခွင့်အလမ်းများလာစေနိုင်ပါတယ်။ ၎င်းအခြင်းအရာများကို တားဆီးနိုင်ရန်မှာ စစ်ကောင်စီနှင့် ပူးပေါင်းဆောင်ရွက်နေသော ကုမ္ပဏီများ၏ တာဝန်လည်းဖြစ်လာပြီး စစ်တပ်နှင့် ဆက်လက်ပူးပေါင်းဆောင်ရွက် နေခြင်းများကို ကြည့်ခြင်းအားဖြင့် ထိုကုမ္ပဏီများသည် ၎င်းတို့အကျိုးအမြတ်ကိုသာ စိတ်ဝင်စားပြီး နိုင်ငံသူနိုင်ငံသားများအပေါ် စာနာထောက်ထားမှု လုံးဝမရှိသည်ကို တွေ့မြင်နိုင်ပါတယ်။ MOGE ၏ ဝင်ငွေများဖြတ်တောက် ပိတ်ဆို့ခြင်းကို ဖိအားပေးတောင်းဆိုရန် အရေးတကြီး လိုအပ်နေသည်ကို တွေ့မြင်ရပါတယ်။ Source byhttps://myanmareiti.org/…/publication…/meiti-reportshttps://www.macrotrends.net/…/natural-gas-prices…