COVID-2019 ဘတ်ဂျက် ကျပ်ဘီလီယံ ၁၀၀ ရရှိနိုင်သော နည်းလမ်း ၂ ခု CAFT ထုတ်ပြန်

မြန်မာနိုင်ငံတွင် ဖြစ်ပွားလျက်ရှိသော COVID-19 ကပ်ရောဂါ ကာကွယ် ကုသ ထိန်းချုပ်ရေးနှင့် ပြန်လည် ကုစားရေးအတွက် ဘတ်ဂျက် ဘီလီယံ ၁၀၀ ရရှိသုံးစွဲနိုင်မည့် နည်းလမ်း ၂ သွယ်ကို Citizen Action For Transparency CAFT က ယနေ့ ထုတ်ပြန်လိုက်ကြောင်း သိရှိရသည်။
မြန်မာနိုင်ငံတွင် COVID-19 ကပ်ရောဂါ ကူးစက်ခံရနိုင်ခြေရှိသော လက်ရှိ စောင့်ကြည့်လူနာ ၅၅၀၀၀ ကျော်ကို ရှိနေပြီး ရွှေ့ပြောင်းလုပ်သားများ အပါအဝင် ပြည်သူများ၏ စားဝတ်နေရေး ထိခိုက်မှု အနည်းဆုံးဖြစ်စေရန်အတွက် အနာဂတ်ကာလ ရေရှည်တွင် ဘဏ္ဍာရန်ပုံငွေ တောင့်တင်းစေရန် အထူးလိုအပ်ကြောင်း၊ ပြည်ထောင်စုဘဏ္ဍာ ရန်ပုံငွေမှ ဖြည့်တင်းနိုင်မှု အခွင့်အလမ်းများကို အကြံပြု တင်ပြရခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။
အကြံပြုချက်အနေဖြင့် ပြည်ထောင်စုဘဏ္ဍာရန်ပုံငွေတွင် လုပ်ငန်းများ ပုံမှန် လည်ပတ်စေရန် သာမန် အသုံးစရိတ်များ၊ ဖွံဖြိုးရေးလုပ်ငန်းများ ဆောင်ရွက်နိုင်ရန် ပြည်နယ်/တိုင်း ဘတ်ဂျက်များကို ဗဟိုမှ လျှော့ချခြင်းမပြုသင့်ကြောင်း၊ ပြည်ထောင်စုအဆင့် ငွေလုံးငွေရင်း ဘတ်ဂျက် တစ်နေရာတည်းမှသာ လျှော့ချခြင်းဖြင့် GDP ၅ ရာခိုင်နှုန်း စံနှုန်းနှင့်ညီအောင် လျှော့ချသင့်ကြောင်း၊ ဦးစီးဌာနနှင့် နိုင်ငံတော်ပိုင် အဖွဲ့အစည်း စုစုပေါင်း ၁၅၀ ခုရေ ခန့်မှ ကျပ် ၁၁၀၀ ဘီလံယံကို ၁၀၀၀ ဘီလီယံ အထိ လျှော့ချပြီး ပိုလျှံသော ၁၀၀ ဘီလီယံကို COVID-19 အတွက် ပြန်သုံးစွဲလျှင် သင့်တော်ကြောင်း၊ အဆိုပါအကြံပြုချက်များကို မေလအတွင် စတင်မည့် ၁၆ ကြိမ်မြောက် အစည်းအဝေး အမီတင်ပြခြင်းဖြစ်ကြောင်း ဖော်ပြထားသည်။
 

အကျိုးအမြတ်ရရှိပိုင်ဆိုင်သူ (Beneficial Owner)

အကျိုးအမြတ်ရရှိပိုင်ဆိုင်သူ (Beneficial Owner)
အကျိုးအမြတ်ရရှိပိုင်ဆိုင်သူ (Beneficial Owner) ဆိုသည်မှာ အဖွဲ့အစည်းများ၏ ရပ်တည်မှုမှ တိုက်ရိုက်သော်လည်းကောင်း၊ သွယ်ဝိုက်၍သော်လည်းကောင်း နောက်ဆုံးတွင် ပိုင်ဆိုင်သူ (သို့မဟုတ်) ထိမ်းချုပ်သည့် လူပုဂ္ဂိုလ်များကို ဆိုလိုပါသည်။
နိုင်ငံရေးအရ ထင်ရှားသူများ (Political Exposed Person – PEP) ဆိုသည်မှာ ပြည်တွင်းတွင် ပြည်သူ့တာဝန်များကို ထမ်းဆောင်နေရသူ (သို့မဟုတ်) အပ်နှင်းထားခြင်းခံရသူများကို ဆိုလိုပါသည်။
ဥပမာ “နိုင်ငံတော် (သို့မဟုတ်) အစိုးရခေါင်းဆောင်၊ အကြီးတန်း နိုင်ငံရေးသမားများ၊ အကြီးတန်းအရာရှိများ၊ တရားစီရင်ရေး အရာရှိများ၊ တပ်မတော် အရာရှိများ၊ နိုင်ငံရေးပါတီ ခေါင်းဆောင်များ” ကိုဆိုလိုပါသည်။
……….
အာရှတွင်း EITI အဖွဲ့ဝင်နိုင်ငံများ၏ အကျိုးအမြတ်ရရှိပိုင်ဆိုင်မှု အချက်အလက်များ ထုတ်ဖော်ခြင်း ဆိုင်ရာ ပြုပြင်ပြောင်းလဲမှု၊ အလေ့အကျင့်နှင့် အခွင့်အလမ်းကောင်းများ၊ စိန်ခေါ်ချက်များ နှင့် လိုအပ်နေသော ထောက်ပံ့မှုများကို ဖော်ပြပါ အစီရင်ခံစာတွင် ဆက်လက်ဖတ်ရှုနိုင်ပါတယ်။